Menu
#

Porc Wedi'i Dynnu

Digon i: 4-6

Amser Coginio: Tua 3 awr

CYNHWYSION:

  • 1.5kg (3 phwys) Darn o ysgwydd, coler neu goes porc
  • 15ml (1 llwy fwrdd) Cwmin mâl
  • Pinsiad o bowdwr tsili
  • 30ml (2 lwy fwrdd) Siwgr brown tywyll
  • 150ml (1/4 peint) Stoc porc
  • 150ml (1/4 peint) Sudd oren a mango neu sudd â blas tebyg
  • 80ml (5 llwy fwrdd) Diod blodau ysgawen

DULL:

  1. Cynheswch y ffwrn ymlaen llaw i Farc Nwy 4, 180°C, 350°F.
  2. Rhowch haen ddwbl o ffoil ar waelod padell rhostio. Rhowch y cig ar fwrdd ac yn ofalus, gan ddefnyddio cyllell finiog, tynnwch y grofen ac ychydig o fraster o'r cig a'i daflu. Gwnewch batrwm cris-croes ar y cig di-fraster. Rhowch y cig mewn padell rhostio.
  3. Cymysgwch y cwmin, y siwgr a'r tsili a'u rhwbio i mewn i wyneb y cig. Cymysgwch y stoc, y sudd a'r ddiod. Arllwyswch y cymysgedd hwn dros y cig. Plygwch y ffoil yn llac o amgylch y cig. Defnyddiwch ddarn arall o ffoil i orchuddio'r cyfan.
  4. Coginiwch y cig am tua 3 awr nes bod y cig yn frau ac yn feddal.
  5. Unwaith y bydd wedi coginio, rhowch y cig ar y bwrdd - dylai fod yn ddigon meddal i'w 'dynnu' yn ddarnau gan ddefnyddio dwy fforc.
  6. Gweinwch gyda reis wedi'i goginio mewn dull jambalaya (Reis cnau coco sydd wedi'i goginio eisoes - gyda phinsiad o tsili a chwmin, pomgranad, naddion cnau coco, shibwns a letys wedi'i dorri'n fân)

Close