Menu
#

Byrgyr porc gyda nachos

Amser – 15 munud

Digon i – 4

Cynhwysion

  • 450g (1 pwys) o friwgig porc heb lawer o fraster
  • 2 ewin garlleg, wedi’u malu
  • 1 tsili gwyrdd, heb yr hadau, wedi’I dorri’n fân
  • 1 pupur coch bach, heb yr hadau, wedi’i dorri’n fân
  • 5ml (1 llwy de) o bâst Harissa
  • Pupur du

Salsa Guacamole:

  • 30ml (2 lwy fwrdd) o saws tsili melys
  • ¼ ciwcymbr bach, wedi’i dorri’n fras
  • 1 afocado aeddfed, wedi’i blicio, tynnu’r garreg a’i dorri
  • 2 shibwnsyn, wedi’u sleisio’n fân
  • ½ lemwn, tynnu’r sudd a’i ddefnyddio
  • 1 tomato, wedi’i dorri’n fras

Gweinwch gyda:

  • Llond llaw o greision tortilla
  • Caws Cheddar wedi’i gratio
  • Hufen sûr i weini
  • Letys iceberg

Sut i’w goginio

  1. Cymysgwch y briwgig porc, garlleg, tsili, pupur, past harissa a’r halen a phupur mewn powlen.
  2. Yna, rhannwch y gymysgedd yn bedwar a chreu pedwar byrgyr taclus ohonynt.
  3. Cynheswch y gril a rhoi’r byrgyrs i goginio am 12 – 14 munud neu nes byddant yn euraidd ac wedi coginio’n drylwyr.
  4. Tra bydd y byrgyrs yn coginio, cymysgwch holl gynhwysion y salsa guacamole mewn powlen, yna ei adael i sefyll.
  5. Pan fydd y byrgyrs yn barod, rhowch ddwy neu dair creisionen tortilla ar eu pen, ychydig o gaws wedi’I gratio a’u rhoi yn ôl dan y gril nes bydd y caws wedi toddi.
  6. Gweiniwch y byrgyrs ar ddarnau o letys iceberg gyda llwyaid fawr o guacamole a hufen sûr.

Close